အဖြူရောင်နို့ရည်အနှစ်နဲ့
မေတ္တာအစစ် အသင်္ချေကိုဖွင့်လှစ်
အပြုံးပန်းနဲ့ဖူးပွင့်ဝေဆာတဲ့အမေ...
ပုခက်လွဲသောအမေလက်
အနှီးလျော်သောအမေလက်
ဝါးဖက်တော်ခွံသောအမေလက်
ရွှေငွေပတ္တမြားစိန်မခြယ်ထားပေမယ့်
မေတ္တာ အကြင်နာ
ကရုဏာ စေတနာတွေက
တုနှိုင်းမဲ့တဲ့အရာပါ....အမေ...
သားသမီးတွေရဲ့
ပညာပန်းခင်း ဥစ္စာပန်းခင်း
သုတပန်းခင်း ကုသိုလ်ပန်းခင်း
လှပဝေဆာဖို့ထာဝရ
ပြုစုယုယလို့
သားသမီးတွေရဲ့ဘ၀ဥယျာဉ်မှုးပါ..အမေ
အမှောင်ဖြိုခွင်း အလင်းဆောင်တဲ့
ဆီမီးအိမ်လို
ဖြူစင်သက်သက်မေတ္တာထားလျှက်
သားသမီးများအပေါ်မျှော်လင့်ချက်
မထားတဲ့...အမေ...
လောကရင်ခွင်ထဲ
အနေရဲအောင်
အမြဲသွန်သင်မြတ်မိခင်ကို
ဂုဏ်ရည်အနန္တမှန်းဆမျှော်လို့
နေ့နေ့ညညကန်တော့ပန်းခြွေလျှက်ပါအမေ...
စိုင်းလွမ်းဝေ(ချယ်ရီမြေ)
No comments:
Post a Comment