သီရိဓမ္မာသောကမင်းကြီး၏ကျေးဇူးကြောင့် သာသနာ့သမိုင်းကို ပုံရိပ်ရှာဖွေရာတွင် အိန္ဒိယနိုင်ငံတစ်ဝှမ်းလုံး
သာသနာရောင် ထွန်းလင်းခဲ့သည့်နေရာများစွာကို တွေ့ရပါသည်။
အသောကမင်း၏သာသနာပြုခဲ့သည့်နေရာတိုင်းမှာ ကျောက်စာတိုင်ကို စိုက်ထူလေ့ရှိခဲ့သည်။
ယခုခေတ်မှာ အိန္ဒိယလူမျိုးတို့သည် အသောကမင်းကြီးကို ဘုရားတစ်ဆူလို သတ်မှတ်ထားကြသည်။အသောကမင်းအကြောင်းကိုပြောလျှင်ဂုဏ်ယူကြသည်။
သို့သော်ယခုအိန္ဒိယမှာ အများစုက ဟိန္ဒူဘာသာဝင်များသာ ဖြစ်ကြသည်။
လူတိုင်းအတွက် အတုယူသင့်တဲ့သင်ခန်းစာမို့ အသောကမင်း၏ကျောက်စာတိုင်ထိပ်အရုပ်ကြီးလေးခုဖွင့်ဆိုချက်ကို ဗဟုသုတအဖြစ် အကျဉ်းမျှ ဖော်ပြထားသည်။
ကျောက်စာတိုင်ထိပ်၏အရုပ်ကြီးလေးခုမှာ၁။ခြသေ့င်္ရုပ် ၂။ဆင်ရုပ် ၃။မြင်းရုပ် ၄။နွားရုပ်
အများအကျိုးကိုဆောင်ရွက်လို၊ ခြင်္သေ့လို၊ကျင့်ရမည်။
ယုံငယ်မှာလည်း၊မလျှော့ဘဲ၊အမြဲခုန်အုပ်သည်။
လုံ့လကဲကဲ၊မလျှော့ဘဲ၊အမြဲလုပ်ရမည်။
အများအကျိုးကို၊ဆောင်ရွက်လို၊ဆင်လိုကျင့်ရမည်။
လက်နက်မှန်လည်း၊မလျှော့ဘဲ၊စစ်ပွဲဆင်နွှဲသည်။
ဘာဘဲကြုံကြုံ၊ကိုယ်မဖြုံ၊သက်လုံကောင်းရမည်။
အများအကျိုးကို၊ဆောင်ရွက်လို၊မြင်းလိုကျင့်ရမည်။
သွက်လက်လျင်မြန်၊အားသန်သန်၊ပန်းတိုင်မှန်ကိုလျှောက်ရမည်။
ပန်းတိုင်မရောက်၊လက်မမြောက်၊တောက်လျှောက်ကျင့်ရမည်။
အများအကျိုးကို၊ဆောင်ရွက်လို၊နွားလိုကျင့်ရမည်။
ရိုက်နှက်သော်လည်း၊စိတ်မဆိုးဘဲ၊အမြဲသည်းခံသည်။
ဤလောကဓံ၊သည်းသည်းခံ၊အမှန်ကျင့်ရမည်။အရှင်ဥာဏ(ပြင်ဦးလွင်)
No comments:
Post a Comment