မမေ့နိုင်သော အိန္ဒိယရဲ့နွေဒဏ္ဍာရီအပိုင်း(၁)

မဇ္ဈိမဒေသ၊အိန္ဒိယနိုင်ငံ၊ဗုဒ္ဓဂယာ၊မဂဓတက္ကသီလာတွင်ပညာသင်တော်အဖြစ်ရောက်လာကြသော စာရေးသူတို့

သီတင်းသုံးဖော် သူငယ်ချင်းအချို့တို့သည် သစ်ရွက်တွေမြေခ သစ်နုများဝေဆာဖူးပွင့်သော နွေအသူရိန် အားမာန်

ပူပြင်းသော နွေရာသီကျောင်းပိတ်ချိန်တွင်

 မြတ်စွာဗုဒ္ဓပွင့်တော်မူရာ မြေမြတ်မဟာနေရာများနှင့်အိန္ဒိယနိုင်ငံမြို့ကြီးအချို့ကိုဘုရားဖူးခရီးစဉ်တစ်ခုအဖြစ်

သူငယ်ချင်းများနှင့်အတူ သွားခွင့်ခဲ့ရသည့်ပုံရိပ်များကို အလွမ်းဒိုင်ယာရီ ဘ၀စာပန်းချီနှယ် မှတ်တမ်းတင်မိသည်။

     
ဘုရားဖူးခရီးစဉ်တစ်လျှောက်တွင် ရင်မောစရာ လွမ်းစရာ တမ်းတစရာများက ရောက်ရာဒေသတိုင်းမှာ တရိပ်ရိပ်

ပြန်မြင်ယောင်မိတော့ ရင်ထဲကအလွမ်းတွေ လွမ်းမောဖွယ် ဒိုင်ယာရီ စာမျက်နှာကို တစ်ရွက်ချင်း လှန်နေတော့သည်။

   ဘုန်းကြီးဦးကုသလာစာရPh.D(thesis)က ခရီးစဉ်တစ်လျှောက် အဆင်ပြေစေရန် စာရေးသူတို့အားဦးဆောင် လမ်းညွန်ပ္ဂြသည်။

    တက္ကသီလာ မဂဓကျောင်းသားတို့မှာ ဦးတေဇောဘာသ(ကွမ်းခြံကုန်း)၊ဦးအဂ္ဂ၀ံသ(ဓနုဖြူ)၊ဦးသီဟဥာဏ(ပဲခူး)၊ဦးကုမာရ(အိမ်မဲ)၊ဦးကေလာသ(သာစည်..ဆရာကေ)

ဦးသုခေဓိက၊ဦးဂုဏ၀ံသ၊ဦးဇ၀န(ပန်ဆန်းမြို့-ရှမ်းမြောက်ဝ-ဒေသ)နှင့် စာရေးသူအပါအ၀င် ၁၀ပါးတိတိ wincar  တစ်စီးဖြင့်အဆင်ပြေ ချောမောစွာ ကြွခဲ့သည်။

ရှေးရှေးသော သူတော်ကောင်းတို့၏ထုံးကို နှလုံးမူ၍ မြတ်စွာဘုရားသက်တော်ထင်ရှားရှိစဉ်အခါက

သီတင်းကျွတ်တိုင်းမှာ မြတ်စွာဘုရားရှင် သီတင်းသုံးတော်မူရာ ကျောင်းတိုက်ကို ကြွရောက်လာပြီး လာရောက်ဖူးမြော်သည့်ပမာ စာရေးသူတို့လည်းမြတ်စွာဘုရားသီတင်းသုံးတော်မူရာမြတ်နေရာနှင့်ကျောင်းတော်ကို သွားရောက်၍ မြတ်စွာဘုရားရှင်၏ဂုဏ်တော်အနန္တကိုမှန်းဆရည်မျှော် ပူဇော်ကန်တော့ရန် ဘုရားဖူး သွားခဲ့သည်။

   အိန္ဒိယ၏နွေအားမာန်က ပူလွန်းလှသည်။

မြန်မာပြည်နွေဥတုထက် သာလွန်ပေသည်။နေဆယ်စင်းတစ်ပြိုင်ထဲ ထွန်းတောက်သည့်နှယ်...ဟုထင်မိသည်။

ဘာနဲ့မှမတူ။ချွေးကတသီသီ စီးဆင်းနေမိတော့သည်။

 ကုသိုလ်အရေးမို့ နွေဥတုဒဏ်ကိုအလေးမထားနိုင်ပါ။နေရာတိုင်းမှာ လွမ်းမောဖွယ်ရာ နွေဥသြငှက်ငယ်များ၏

တွန်းကျူးသံက နွေဒဏ္ဍာရီကို သရုပ်ပြနေသည့်ပမာ ...။

      
နွေအကုန် မိုးဦးအကူးမှာ July(၁)ရက် ၁.၇.၂၀၁၀) နံနက်ခင်း ၅.၄၅မိနစ်အချိန်တွင် ကားကကျောင်းကိုလာကြိုသည်။

မင်္ဂလာအပေါင်း ခညောင်းနေသည့် နံနက်ခင်း ကျက်သရေ ဝေဖြိုးနေသော အာရုဏ်ဦး ပါပဲ...။

မြင့်မြတ်မဟာ ဗုဒ္ဓဂယာမဟာဗောဓိမြေမြတ်နှင့် မနီးမဝေး (၁)ကီလိုမီတာ အရပ်ဒေသ အပြည်ပြည်ဆိုင်ရာ နိုင်ငံတကာကျောင်းသူကျောင်းသားများ ပညာစခန်း တက်လှမ်းနေသည့်မဂဓတက္ကသီလာကျောင်းတော်ကနေ 

ကားဖြင့်ထွက်လာခဲ့ကြသည်။

အဆောင်နေကျောင်းသားတို့အား သွားကြိုခြင်းဖြစ်သည်။

      သူငယ်ချင်းများစုံတဲ့အခါ  ကားသည် ရာဇဂြိုဟ်မြို့ကိုဦးတည်၍ မောင်းနေတော့သည်။

နံနက်ခင်းလေပြေက ကားပြတင်းပေါက်မှတိုးဝင်လာပြီး စာရေးသူအား အေးမြစေသည်။

လန်းဆန်းသောလေညင်းကိုရှုရှိုက်ရင်း အပြင်က သဘာဝရှုခင်းများကို ငေးကြည့်ပြီး မြတ်စွာဘုရားရှင် သီတင်းသုံးခဲ့သည့်နေရာမြတ်တို့ကိုဖူးမြင်ခွင့်ရတော့မည်ဟုဖော့ပြီးတွေးမိသည်။

ကားပေါ်ထိုင်ကထဲက စာရေးသူသည် ပဌာန်းနှင့်ပရိတ်တရားတော်တို့ကိုအာရုံပြုပြီးစိတ်ထဲကရွတ်ဖတ်ပူဇော်နေတော့သည်။ ပီတိလှိုင်းက ရင်နှစ်စုံကို ပျော်မွေ့စေသည်။

   ရာဇဂြိုဟ်မြို့ကိုမရောက်ခင် လမ်းဘေးက ကုလားဆိုင်တစ်ဆိုင်တွင် အိန္ဒိယအစားအသောက် များမှာပြီးနံနက်အာရုဏ်ဆွမ်းအဖြစ်ဘုန်းပေးခဲ့ကြသည်။

 ထိုအချိန်မှာ မိုးတဖွဲဖွဲ ရွာနေသည်။ ဝေဟာပြင်မှ မိုးရနံ့က လှိုင်နေသည်။

လေပြေလေညင်းက ဝေ့တိုက်ခတ်ရင်း အေးမြခြင်းပုံရိပ်ကိုဖြစ်ပေါ်စေသည်။

    ဇူလိုင်မိုးကသည်းသည်း ကောင်းကင်ယံကမည်းမည်း စာရေးသူတို့ခရီးက အဆင်ပြေပါ့မလား ဟုဖော့ပြိးတွေးမိလေရဲ့....။

နံနက်စာစားပြီးကားပေါ်ကိုပြန်တက်ကာ ခရီးဆက်ထွက်ခဲ့သည်။

ရာဇဂြိုလ်မြို့ကိုနံနက်၉-နာရီမှာရောက်ခဲ့သည်။

ဇူလိုင်မိုးကသည်းသည်းမဲမဲရွာနေသည်။လေပြေနှင့်အတူမိုးဖွဲဖွဲကပျော်မြူးနေလိုက်တာ...။

တောင်ကြိးငါးလုံးပိတ်ကာဖုံးဟုဆိုသောအလှအပကြွယ်နေသည့်ရှေးဟောင်းရာဇဂြိုဟ်ကာသမိုင်းတွင်

ကျန်ရစ်နေဆဲ...ရာဇဂြိုဟ်မြို့သည့်သာသနာ့သမိုင်းတွင် ထူးခြားသည့်မြို့တစ်မြို့ပါ။

ကျောင်းတော်အစဝေဠုဝန်ကျောင်းက ဖြစ်သည်။

ပထမဦးဆုံးသင်္ဂါယနာတင်တဲ့မြို့.... ပထမဦးဆုံး သြ၀ါဒပြသည့်နေရာ...

သင်္ကန်းအလှုကိုပထမဦးဆုံးခွင့်ပြုခဲ့သည့်မြို့...ပြီးတော့ဘုရားဘုရားရှင်ကိုးဝါတိုင်တိုင် သီတင်းသုံးတော်မူခဲ့သည့်မြို့ဖြစ်သည်။

သမိုင်းပုံရိပ်ကိုထင်ဟပ်စေသည့်နေရာများမှာ  

၁။ဂိဇ္ဈကုဋ်တောင်ပေါ်ရှိ မြတ်စွာဘုရားရှင် သီတင်းသုံးတော်မူရာ ကျောင်းတော်

၂။မြတ်စွာဘုရားရှင်သီတင်းသုံးတော်မူရာ ဝေဠုဝန်ကျောင်းတော်ရာ

၃။ဓာတ်လှေခါးဖြင့် တက်ရသော ရတနာဂီရိတောင်ပေါ် သာသနာ(၂၅၀၀)ပြည့်အထိမ်းအမှတ်ဖြင့် ဂျပန်နိုင်ငံကတည်ထားသော ၀ိသျှန္တီစေတီ ကုန်ကျစရိတ်ရူးပီ၂၂သိန်းဟုဆို...

၎။ဆေးဆရာဇိဝက၏သရက်ဥယျာဉ် 

၅။အဇာတသတ်မင်း၏ဓာတ်တော်တိုက်

၆။ဗိမ္ပိသာရမင်း၏အကျဉ်းထောင်

၇။ ။       ဘဏ္ဍာတိုက်

၈။ရှေ့ဟောင်းလှည်းဘီရာကြီး

၉။အဇာတသတ်မင်း၏နန်းဦးရာစေတီနှင့် နန်းတော်သစ်

၁၀။ဝေဘာရတောင်ပေါ်ရှိ အရှင်မဟာကဿပမထေရ်သီတင်းသုံးတော်မူရာ ပိပ္ပလိလှိုဏ်ဂူနှင့်ပထမသံင်္ဂါယနာတင်သည့်နေရာ

၁၁။ဇာတ်နိမ့်ဇာတ်မြင့်ရေချိုးသည့်ရေပူစမ်း

စသည့်နေရာတို့ကိုသွားရောက်ခဲ့သည်။

တစ်ခါတုန်းက သာနာရောင်ထွန်းပြောင်ခဲ့သည့် တောင်ငါးလုံးဝန်းရံခို ရာဇဂြိုဟ်သည်  ယခုတော့သာသနာရောင်

ကွယ်ခဲ့ပါပြီ...။

သာသနာရောင်လွှမ်းခြုံခဲ့သည့်နေရာ ဓမ္မသံလွှမ်းခဲ့သည့်နေရာ ယခုအချိန်မှာ ဓမ္မစည်သံလည်းမကြားရတော့ပါ။
သံဝေဂဖြစ်မိတော့သည်။ကြီးကျယ်ခန်းနားသောသမိုင်းထဲကရာဇဂြိုဟ်သည် ယခုချိန်မှာ တောမြို့လေးတစ်မြို့အဖြစ် ရင်နင့်စွာတွေ့မြင်ရတော့သည်။

ထိုနေရာတို့ကို အိန္ဒိယအစိုးရက ပြတိုက်သဘောအဖြစ်ခင်းကျင်းပြနေတော့သည်။သမိုင်းထဲကပြတိုက်ဝင်ရောက်ကြည့်တော့သမိုင်းစာမျက်နှာကိုလှန်ကြည့်လေလေ

ဘ၀စာမျက်နှာတွင် သံဝေဂပွားမိလေလေပါ...။

ဆက်ရန်......