ဘုရားအားရှိခိုးပါ၏

နမောတဿဘဂ၀တောအရဟတောသမ္မာသမ္ဗုဒ္ဓဿ။Namo Tassa Bagavato Arahato Samma sambuddhassa.Namo Tassa Bagavato Arahato Samma sambuddhassa.နမောတဿဘဂ၀တောအရဟတောသမ္မာသမ္ဗုဒ္ဓဿ။

Saturday, October 29, 2011

ချင်းတောင်ပြာတန်း၏ သာသနာပြုခရီး(၁)

ချင်းမြေလွှာသို့ ကြွလှမ်းခဲ့သည့် နေ့ရက်များ
နိုင်ငံတော် ပရိယတ္တိသာသနာ့တက္ကသိုလ်မှာ ပညာရည်နို့သောက်စို့ပြီးကြသော
ကျောင်းသားတို့သည် တောင်တန်းသာသနာပြုတာဝန်ကို အမိတက္ကသိုလ်၏တာဝန်ပေးမှုဖြင့်
 (၂)နှစ်တာကာလထမ်းဆောင်ရမည်။

၂၀၀၅-ခုနှစ် ပညာသင်နှစ်ပြီးဆုံးကြသော ကျောင်းသားတို့သည် မိမိတို့တာဝန်ကျရာ 
တောင်တန်းမြေလွှာအသီးသီးသို့ (၂၁-၁၂-၂၀၀၅)ရက်နေ့နောက်ဆုံးထား၍ သာသနာပြုတာဝန်
ထမ်းဆောင်ရမည်ဟု ကျောင်းသားအားလုံးတို့က အမိန့်စာလက်ခံရရှိခဲ့ကြသည်။
စာရေးသူအပါအ၀င် သီတင်းသုံးဖော် အရှင်ဥာဏိန္ဒ(သီပေါ)နှင့် အရှင်ဇာဂရရဟန်းတော်သုံးပါးတို့သည်
ပလက်ဝမြို့နယ်၊ချင်းပြည်နယ်(တောင်ပိုင်း)မှာ တာဝန်ကျခဲ့ကြသည်။
ဲ့

မိမိသာသနာပြုဌာနက ဗုဒ္ဓဂါမ....တဲ့။
မိမိ၏သီတင်းသုံးဖော် နှစ်ပါးက ဖားစင်နှင့်ရှင်မဒိန်သာသနာပြုဌာနတို့မှာ
သာသနာပြုတာဝန်ထမ်းဆောင်ကြ၏...။
ဘ၀ကံကြမ္မာ၏စီမံရာ လောကဓံဇာတ်ခုံပေါ် မိမိတို့က , ပြရတော့မည်။
မိမိတို့သည် သြ၀ါဒ ခံယူပွဲကို တက်ရောက်ကြပြီး ပလက်ဝမြို့နယ်မှာ သာသနာ့ပြုတာဝန်ထမ်းဆောင်ရမည့်
ရဟန်းတော်သုံးပါးက ချင်းတောင်တန်းသို့
မည်သည့်မည်ရက်ခရီးစတင်သွားရမည်ကို  တစ်ပါးနှင့်တစ်ပါးတိုင်ပင်ဆွေးနွေးကြကာ
မိမိတို့ တောင်တန်းခရီးစဉ်ကို လမ်းခရီးကျွမ်းကျင်သူများထံ မေးမြန်းရသည် မှာ အမောပေါ့...။


အမိတက္ကသိုလ်၏မေတ္တာရင်ခွင်ရိပ်နှင့်လည်းထာဝရ လမ်းခွဲရတော့မည်ဟူသော
အသိကြောင့် လမ်းခွဲလို့ ဖြာဆင်းစိးသွယ်လာသော မျက်ရည်ပုလဲလုံးတို့သည် 
ရင်ပြင်တစ်ခုလုံးပြည့်လျှံနေမိသည်...။
နေခြည်နုထွေး သန်းလာသဖြင့် ပန်းမာန်တို့သည် ငုံဖူး၍ ပွင့်လာပြီး
ဆောင်းနှင်းဖွေးဖွေး အလှတို့ကို ချယ်ရီ သဇင်ပန်းတို့က သြဘာပေးနေသည့်အတွက် 
စိမ်းလန်းစိုပြေနေသော သာသနာ့တက္ကသိုလ်၏ငြိမ်းချမ်းခြင်းအာဝါသတို့က 
မိမိတို့ကို လက်ယမ်းပြ၍နှုတ်ခွန်းဆက်သနေမိပါပြီ....။
စ၀်ဥာဏဗောဓိ(ချယ်ရီမြေ)



No comments:

Post a Comment