အမေ့နှလုံးသား(၆)

အမေ...ပခုက္ကူမြို့နယ် ထနောင်းကုန်းတိုက်နယ်သူကြီး(၁၉၄၇...)ဦးအုန်းဖေဆိုတဲ့ပုဂ္ဂိုလ်က
သူကြီးမဖြစ်ခင် အထိ အလွန်းဆိုးခဲ့ဖူးသည်။
လူဆိုသည် စာပေကြောင့် ဘ၀ပြောင်းလဲစေခဲ့သည်။
သူသည် လူဆိုးဓားပြဖြစ်ခဲ့ဖူးသည်။ထောင်လည်းသုံးခါကျခဲ့ဖူးသည်။
သို့သော် ဦးအုန်းဖေသည် သူကြီးဖြစ်သည့်အချိန်မှစပြီး နေ့စဉ်မှတ်တမ်းဒိုင်ယာရီရေးသည်။
သူ့ရေးထားသည့်စာအုပ်ပေါင်း (၆၀)တိတိရှိသည်။စာမျက်နှာပေါင်း၂၁၉၀၀ရှိသည်။
အသက်(၇၀)ကျော်မှာ ပရဟိတ အကျိုးအတွက် ပခုက္ကူတွင် အခမဲ့စာကြည့်တိုက် တစ်တိုက် 
ထနောင်းကုန်းရွာ၌အသိပညာစာကြည့်တိုက်၊ရှားတောရွာမှာလည်း ဗဟုသုတစာကြည့်တိုက်ဆိုပြီး
ပြည်သူဖတ်ကြဖို့ အခခဲ့စာကြည့်တိုက်တို့ကို တည်ထောင်ဖွင့်လှစ်ပြီး လှုဒါန်းခဲ့သည်...တဲ့။


သူ့စိတ်ဓာတ်သူ့စေတနာဟာ စာပေမှ စီးဆင်းလာခဲ့သည်မှာယုံမှားဖွယ်မရှိ။
နောင်လာနောင်သား များအတွက် အတုယူစရာဖြစ်အောင်ပရဟိတအကျိုးကိုထမ်းရွက်ခဲ့သည်။
ဦးအုန်းဖေလိုပုဂ္ဂိုလ်မှာ မြို့ရွာတိုင်းမှာ ရှိလျှင်ကောင်းမှာပဲဟု တွေးမိသည်။
အမေ...
သားလည်း စာပေ၏အနှစ်သာရကို သဘောပေါက်လို့အမေ့နှလုံးသားဆန္ဒကို ဖြည့်ရင်း
ဇာတိချက်ကြွေမွေးရပ်မြေမှာ အမေ့ရွာ စာပျိုးခင်း လူငယ်စာကြည့်တိုက်ဆိုပြီး
တည်ထောင်ပြီးလှုဒါန်းခဲ့ပါပြီ အမေ...။
ရွာမှာ စာကြည့်တိုက်တည်းဟူသော ဆီမီးတစ်တိုင်သည် ရွာသူရွာသားတို့၏နှလုံးသားကို
ထွန်းလင်းထောက်ပစေပြီးငြိမ်းချမ်းပျော်ရွှင်ပါစေ ဟု သားဆန္ဒပြုပါရဲ့အမေ...။


အမေ..
စာကြည့်တိုက်သည် စာဖတ်သူဆန္ဒကို အစွမ်းကုန်ကူညီလိုက်လျောသောကြောင့် 
စာအုပ်များကို စာဖတ်သူကိုယ်တိုင် ရွေးချယ်နိုင်သော အခွင့်ပေးထားရကား 
ဟင်းလင်းဖွင့်စင်(open axxession)အဖြစ်ထားရှိသည်။
အမေစာကြည့်တိုက်ဆိုတာလည်း သခါင်္ရသဘောတရားပါပဲ..။
ဖြစ်၊တည်၊ပျက် ပေါ့။စာကြည့်တိုက်တည်ထောင်သည်။မကြာခင်ပျက်စီးသွားတတ်သည်။
ကြိုတင်ပြင်ဆင်မှုလည်းအများကြီးလိုအပ်သည်။
စာကြည့်တိုက် အင်္ဂါ(၅)ရပ် ဘီငါးလုံးရှိမှစာကြည့်တိုက်က အသက်ဝင်ရှင်သန်နိုင်မှာလေ....။
၁။books-စာအုပ်များဖတ်ချင်စရာပြည့်စုံရမည်။
၂။Borrower-စာဖတ်သူများစည်ကားနေရမည်။
၃။Brain-စာကြည့်တိုက်မှုးကော်မတီက ကြီးကြပ်ပြီးတိုးတက်အောင်စနစ်တကျစီမံခန့်ခွဲရပါမည်။
၎။Building-အဆောက်အဦး ပရိဘောကပြည့်စုံရမည်။
၅။Budget-စာအုပ်တွေ အသစ်ဝယ်ဖို့ အခွန်အခ သုံးစရာ ရံပုံငွေပြည့်စုံရမည်။
ငွေပဒေသာပင် ထားရှိရမည်...တဲ့။
ဒီငါးချက်ဟာ စာကြည့်တိုက်တစ်တိုက်၏ ရေရှည် တည်တံ့ခိုင်မြဲဖို့ အခြေခံအုစ်မြစ် များသာ ဖြစ်သည်။
အုတ်မြစ်မခိုင်ရင် ရေရှည်မှာဘယ်အရာမှ မတည်မြဲပါ။
အမေစာကြည့်တိုက်သည် မရှိမဖြစ်လိုအပ်သည်။စာကြည့်တိုက်သည် အမြည်းသဘောရွေးချယ်ဖတ်ရူနိုင်သောကြောင့် စာဖတ်ပရိသတ် အတွက် စာရွေးတတ်လာအောင်
အလေ့အကျင့်ပြုစုပျိုးထောင်ပေးရာလည်းဖြစ်သည်။
စာကြည့်တိုက်သည် ပြည်သူတို့၏အကျိုးအတွက် ထမ်းဆောင်ပေးရာ ဗဟိုဌာနကြီးလည်းဖြစ်သည်။
သို့အတွက် ပြင်ဦးလွင်မြို့နယ်၊ပန်းဦးတောင်ရွာမှာ (mother's native of library)အမေ့ရွာစာပျိုးခင်း
စာကြည့်တိုက်ကို အခခဲ့ဖွင့်လစ်ပေးခဲ့သည်။
ဘ၀တက္ကသိုလ်မှာ သင်ယူစရာ လေ့လာစရာ အတုယူစရာ က အလွန်များပြားပြီး လောကဓံပင်လယ်လှိုင်းကြားက သူသူ ငါငါ အရှုံးမပေးသောဇွဲဖြင့်
ကိုယ်လိုရာပန်းတိုင် ခရီးသို့ ရောက်အောင်သွားနိုင်ကြပါစေ...။
(အမေ့နှလုံးသား ဟူသော ဆောင်းပါးလေးသည် ပြင်ဦးလွင်မြို့နယ် ပန်းဦးတောင်ရွာ အမေ့ရွာစာကြည့်တိုက်တစ်နှစ်ပြည့် အထိမ်းအမှတ်စာပေဟောပြောတွင် ရေးသားခဲ့သော စာမူဖြစ်သည်။)
စ၀်ဥာဏဗောဓိ(ချယ်ရီမြေ)

အမေ့နှလုံးသား(၅)

အမေ ဤနေရာတွင် 
စာရေးဆရာတို့၏စာပေဒပဿနကိုရေးပြခွင့်ပြုပါတော့နော်...
ဆရာကြီးပီမိုးနင်းက (၁၈၈၃-၁၉၄၁)သူ့၏ကြီးပွားရေးလမ်းညွန်စာအုပ်မှာ
လက်သမားကောင်း၏အရင်းအနှီးမှာ ဆူးဆောက်ကောင်းများဖြစ်ဘိသကဲ့သို့
စာအုပ်များမှာ တိုးတက်ကြီးပွားလိုသူ သူဌေးဖြစ်လိုသူတို့၏ အရင်းအနှီးလမ်းကောင်းများဖြစ်သည်။
လက်သမားတစ်ယောက်သည် ဆူးဆောက်တည်းဟူသော ပစ္စည်းကောင်းများ 
မရှိခဲ့လျှင် လက်သမားကောင်းတစ်ယောက်ဖြစ်မလာနိုင်ပါ...။
စာမဖတ်သော သူတစ်ယောက်သည် တိုးတက်ကြီးပွားလာနိုင်သူတစ်ယောက်မဖြစ်နိုင်ပါ...။
ဗဟုသုတမရှိလျှင် ပရဟိတ စိတ်ဓာတ်လည်းမမွေးမြူနိုင်ပါ...။
ခေါင်းဆောင်ကောင်းတစ်ယောက်လည်းမဖြစ်နိုင်...။


စာပေသည် လူ့ဘ၀အတွက်မည်မျှအရေးပါသနည်း..။
စာပေကိုလေ့လာပါ။မှတ်သားပါ။ရှာဖွေပါ။ဖတ်ပါ ဟု ဆရာဖေမြင့်က တိုက်တွင်းစကားကို
ပြောဆိုထားတာမှတ်သားခဲ့သည်။
ဘယ်လိုပြောသလဲဆိုရင်
လူသည် မနက်ထက် ညမှာ ပညာပိုရှိသည်။ မနေ့ကထက် သည်ကနေ့ အသိဥာဏ်သာရမည်။
အသက်ကြီးလာသည်နှင့်အမျှ ဦးနှောက် အလေးချိန်ပိုကြီးလာရမည်..။
သည်အတွက်ဘာလုပ်ရမည်နည်း
တစ်နည်းသာရှိသည်။ စာဖတ်ပါ။ ဒါပဲ...တဲ့။

ဘ၀အတွက်မှာ လမ်းညွန်တာက အတိုဆုံးနှင့် အထိရောက်ဆုံးပါပဲ...။
စာဖတ်မှ ဦးနှောက်ကြီးထွားမည်။စာဖတ်မှဘ၀ခွန်အားရှိမည်။
စာဖတ်မှပညာဗဟုသုတရရှိမည်။စာဖတ်မှ ပရဟိတစိတ်ဓာတ်ရှင်သန်မည်။
စာဖတ်မှ မိမိ၏ပတ်ဝန်းကျင်နွေးထွေးမှုနဲ့သမိုင်း ကမ္ဘာ့သမိုင်းတို့ကို သိလာမည်။


နောက်ပြီး ကမ္ဘာကျော် စာရေးဆရာကြီး မဂ္ဂဇင်ဂေါ်ဂီ(၁၈၆၈-၁၉၃၆)က ကျွန်တော်တို့က
စာပေတွေကို ဖတ်လေလေ စာအုပ်တွေက ကျွန်တော်တို့ကို ကမ္ဘာကြီးနဲ့ပိုမိုနီးစပ်အောင် လုပ်ပေးလေလေ..။
ဘ၀ဆိုတာ ပိုမိုကြည်လင်ပြတ်သားတဲ့အဓိပ္ပါယ်ကို ဆောင်လေလေဖြစ်ပါတော့တယ်လို့ ရေးခဲ့ဖူးသည်။
စာပေကိုမဖတ်ရင် စာအုပ်နှင့် ပိုဝေးမည်။
စာအုပ်နှင့်ဝေးခွာနေပါက ကမ္ဘာကြီးနှင့်ဝေးတော့မည်။
ကမ္ဘာကြီးနှင့်ဝေးမှတော့ မိမိဘ၀ရှင်သန်ခြင်းဟာ အဓိပ္ပါယ်မရှိသလိုပါပဲ....။
လူသားသည် မိမိ၏ပတ်ဝန်းကျင်နှင့်ထာဝရ ထိတွေ့နေရမည်။
ပတ်ဝန်းကျင် က ပေးတဲ့ပညာ၊အသိစသဖြင့် ကမ္ဘာ့တက္ကသိုမှာ 
ပညာသင်ကြားနေရတာမဟုတ်ပါလား....။


ုတစ်ဖန် ဂရိကဗျာစာဆို ဟိုးမားဆိုသော ပုဂ္ဂိုလ်က 
စာဖတ်ခြင်းနှင့်ပတ်သက်ပြီး ဘယ်လိုတိုက်တွန်းထားသလဲဆိုတော့
သင်ဟာ စာဖတ်ခြင်းကို မနှစ်သက်၊၀ါသနာမပါဘူးဆိုရင် ဘယ်သောအခါမှ
ဥာဏ်ပညာကို ရရှိမလာနိုင်ဘူး.....တဲ့။
သြော်...စာရေးဆရာကြီးများက ပြောသည့်စကား၊ရေးသည့်စာတွေက
တန်ဖိုးဖြတ်လို့မရနိုင်ပါဘူး..။
ဘ၀တက္ကသိုလ်ကျောင်းသူ ကျောင်းသားအတွက် သင်စရာ လေ့လာစရာများ
မကုန်နိုင်အောင်ပါပဲ...။
စာပေ၏အနှစ်သာရ စာပေ၏တန်းဖိုးကို လူတိုင်းလက်ခံမည်ဆိုလျှင်....
စ၀်ဥာဏဗောဓိ(ချယ်ရီမြေ)

အမေ့နှလုံးသား(၄)

ဘ၀တက္ကသိုလ်မှာ ပညာသင်ကြားနေကြသည့်ကျောင်းသူ ကျောင်းသားများအတွက်
အရှင်မဟာရဌသာရမထေရ်က ဤသို့လမ်းညွန်ထားသည်။
သု၊စိ၊ပု၊ဘာ၊၀ိ၊လိ၊သိ၊ဓာ ၊အက္ခရာစွဲသုံး ဤရှစ်လုံးကို သီကုံးပန်သွင် နေ့တိုင်းဆင်လော့...။


အထက်ပါကဗျာအတိုင်း ပညာကို လိုလားကြသော ကျောင်းသူ ကျောင်းသားများအတွက်
ပညာသင်ယူရတာ ဘာမှအခက်ခဲမရှိပါ...။
စနစ်တကျ လိုက်နာဆောင်ရွက် မည်ဆိုလျှင် ဘ၀တက္ကသိုလ်က ပေးထားသောမေးခွန်းကို
ဖြေဆိုအောင်မြင်နိုင်ကြမည်....။
ကဗျာ၏ဆိုလိုရင်းက
၁။သုဏေယျ-သင်ကြားပါ။ဖတ်ရှုပါ။
၂။စိန္တေယျ-ကြံစည်စဉ်းစားပါ။တွေးတောဆင်ခြင်ပါ။
၃။ပုစ္ဆေယျ-မေးမြန်းပါ။စုံစမ်းပါ။
၎။ဘာသေယျ-ဆွေးနွေးပါ။တိုင်ပင်နှီးနှောပါ။
၅။ဝိစာရေယျ-စူးစမ်းပါ။သုတေသနပြုပါ။
၆။လိက္ခေယျ-ရေးသားပါ။မှတ်သားပါ။
၇။သိက္ခေယျ-လေ့ကျင့်ပါ။
၈။စာရေယျ-ကျက်မှတ်ပါ။အာဂုံဆောင်ထားပါ
ဤစကားလုံး(၈)လုံးကို ပန်းကုံးသဖွယ်သီကုံးပြီးနေ့တိုင်းပန်ဆင်ပေးပါလို့ သြ၀ါဒစကားပင်ဖြစ်သည်။
အကျယ်ချဲ့၍မရေးသားတော့ပါ..။မိမိ၏ဥာဏ်ဖြင့်ချဲ့၍စဉ်းစားစေချင်သည်။


အမေ ....
ဘ၀တက္ကသိုလ်မှာ ပညာကိုရှာဖွေရင်း အမေပျိုးထားခဲ့သည့်စာပေပျိုးခင်းဖြင့်
လောကအလှ ဘ၀အလှအတွက်ထာဝရတန်ဆာဆင်ပေးနေမည်။
အမေ့နှလုံးသားက ကမ္ဘာကြီးကို ငြိမ်းချမ်းစေချင်သည်၊ပျော်ရွှင်စေချင်သည်မဟုတ်ပါလား...။
သည့်အတွက် စာပေအလင်းရောင်ဖြင့် သား၏ပတ်ဝန်းကျင်ကို ငြိမ်းချမ်းပျော်ရွှင်ချမ်းမြေ့နေပါ့မည်။
စ၀်ဥာဏဗောဓိ(ချယ်ရီမြေ)

အမေ့နှလုံးသား(၃)

အမေ.....
ဆီမီးတစ်တိုင်သည် အမှောင်ခွင်း၍ အလင်းဆောင်နိုင်သည်။
ထို့အတူ စာကြည့်တိုက်ဟူသည်လည်း မိမိ၏ဘ၀အမှောင်ကိုပယ်ခွင်း၍
လင်းလက်တောက်ပစေသည်။
စာပေတည်းဟူသော အလင်းရောင်သည် ညချမ်းအခါ၌ ငွေလရောင်နှင့်ဆင်တူသည်။
လရောင်ကင်းမဲ့သောညသည် မတင့်တယ်။စာပေကင်းမဲ့သောလူ့ဘ၀သည်လည်း မတိုးတက်နိုင်။
စာမဖတ်သောသူသည် ဗဟုသုတပညာကို မရရှိနိုင်ပါ။


သည်အတွက် စာဖတ်မှ အလင်းရောင် ပိုရမည်။
စာဖတ်မှနွေးထွေးမှုပိုရမည်။စာဖတ်မှတိုးတက်အောင်မြင်မည်။
စာဖတ်မှကြည်နူးပျော်ရွှင်မှုက တာရှည်ရမည်။
စာပေကို မြတ်နိုးတန်ဖိုးထားလို့ ဘ၀အသိဥာဏ်များရင့်ကျက်မည်။
ဗဟုသုတတိုးပွားလာမည်။ဤအကျိုးတို့သည် စာပေ၏ကျေးဇူးကြောင့် သိလာရခြင်းဖြစ်သည်။


ဘ၀ဆိုတဲ့တက္ကသိုလ်ကျောင်းတော်ကြီးမှာ လူသားတွေဟာ
ထာဝရကျောင်းတော်သား ကျောင်းတော်သူတွေချည်းပါပဲ လို့
အမျိုးသားခေါင်းဆောင် ဗိုလ်ချုပ်အောင်ဆန်းက ပြောခဲ့ဖူးသည်။
ဒါဆို သားတို့က ထာဝရကျောင်းသားတွေပါပဲ..
ဘ၀တက္ကသိုလ်မှာ ပညာကိုရှာဖွေနေရဦးမည်။
အမေက ဆရာ၊ သားတို့က ကျောင်းသား...။ဘ၀တက္ကသိုလ်တစ်ခုတည်းမှာ
ပညာဆည်းပူးနေရဦးမည်။


စာကြည့်တိုက်သည် အတန်းမရှိသော ဘ၀တက္ကသိုလ်တစ်ခုလို့ တွေးမိသည်။
စာကြည့်တိုက်မှာ ရှိသော စာပေဟူသမျှ တို့သည် ဘ၀အတွေ့အကြုံ(သင်ခန်းစာ)များသာ ဖြစ်သည်။
စာအုပ်များ စုဆောင်းရာ စာကြည့်တိုက်ကို ဘ၀ဇာတ်ခုံဟု
ဆိုလာနိုင်ကောင်းပါသည်...။
စ၀်ဥာဏဗောဓိ(ချယ်ရီမြေ)

အမေ့နှလုံးသား(၂)

   ကျည်းကန်ရှင်ကြီးမေတ္တာစာမှာလည်း ဤသို့ရေးပြထားသည်။
”ရေပူရေချမ်း၊ဘယ်သူကမ်း၍၊စိတ်ဝမ်းရွှင်အောင်၊
သားရွှေတောင်ကို၊ရွက်ဆောင်လိမ့်မည်၊အတည်တည်ကို၊
ကြံစည်လိုက်မိ၊အောက်မေ့ဘိသော်၊နွမ်းရိခွေနုံး၊
သားရွှေတုံးကို၊ယူကြုံးမရ၊လွမ်းလိုက်လှခဲ့...”
နောက်ထပ်ဆက်လက်၍
”ချမ်းသာစီးပွား၊ဆိုသည်များကို၊လားလားမယ့်မှာ၊
အောက်မေ့ပါဘူး၊သားဦးကိုသာ၊မြင်ချင်ပါရှင့်၊
မင်းလျာယဉ်ရွ၊သားရွှေစငယ်၊မရဖြစ်စေ၊
ရဖြစ်စေသာ ပြန်ခဲ့ပါတော့....။”
ဟုဖော်ပြထားသည်။
အမေ့နှလုံးသားသည် သားသမီးတို့ကို မည်မျှထိမေတ္တာထားခဲ့သလဲ...
ဆိုတာတုနှိုင်းမဲ့လို့ရမည်မထင်။
အမေနှင့်သားသမီးအတူတကွမနေရသောအခါ မိခင်ကသာ တသသလွမ်းနေသည်။
ယောဆရာတော်ဘုရားကြီးက 
”မိမိတို့ ယခုပစ္စုပ္ပန်လူဘ၀ကိုရလာတာဟာ အတိတ်ကုသိုလ်ကံကြောင့်
မှန်သော်လည်းမိမိလူတစ်လုံး သူတစ်လုံး ဖြစ်လာတာကတော့
မိဘဘိုးဘွားဆရာသမားစတဲ့ကျေးဇူးရှင်များကြောင့်ပါ။
ဒါကြောင့် ကျေးဇူးရှင်များရဲ့ကျေးဇူးကိုသိပြီး ပြန်ဆပ်ရမည့်တာဝန်ရှိလာပါတယ်...”လို့
မိန့်မှာဖူးပါသည်။
အနှိုင်းမဲ့ကျေးဇူးကိုဘယ်လိုတုန့်ပြန်မလဲ...?
အကောင်းဆုံးနည်းဖြင့်ကျေးဇူးဆပ်နိုင်ပါစေ....။

        အမေသည် သားသမီးကိုမှတ်ခြင် ယင်မသမ်းအောင်
မဆင်းရဲအောင် မေတ္တာအပြည့်ဖြင့် စောင့်ရှောက်ခဲ့သည်။
မိခင်သည် မိမိ၏တစ်ဦးတည်းသောသားကို စောင့်ရှောက်သကဲ့သို့
အားလုံးသော လူနတ်ဗြဟ္မာသတ္တ၀ါတို့ကိုမေတ္တာထား၍ စောင့်ရှောက်ပါ
မေတ္တာထားပါ ဟုရှင်တော်ဘုရားက မေတ္တသုတ်မှာ ဟောထားသည်။
အမေ့ကိုစံနမူနာထားပြီး ဟောထားတာ အမေ့၏မေတ္တာသည်
မည်မျှကြီးမားကြောင်း ထင်ရှာသည်။
သည်အတွက် ငြိမ်းချမ်းရေးကို လိုလားသောသူတော်ကောင်းတို့သည်
မေတ္တာဓာတ်ဖြင့် ကမ္ဘာကြီးကို အေးမြစေသည်။


   အမေ....
အမေဆန္ဒကို သားတစ်ခုလုပ်ဆောင်ပေးခဲ့သည်။
ဇာတိမြေ ငယ်စဉ်တောင်ကျေးကလေးဘ၀က ပညာသင်ယူခဲ့တဲ့
ရွာဦးကျောင်းမှာ အမေ့ရွာစာပျိုးခင်း လူငယ်စာကြည့်တိုက်ဆိုပြီး
သားတည်ထောင်ဖွင့်လှစ်ခဲ့သည်။
 န၀ကမ္မ၀တ္ထုငွေကို ၅သိန်းတိတိ မတည်ပြီးစတင်ဖွင့်လှစ်ခဲ့တာပါအမေ...။
အမေ စာကြည့်တိုက် တစ်တိုက် တည်ထောင်ဖွင့်လှစ်ခြင်းဟာ
မိမိ၏ပတ်ဝန်းကျင်းကို အလင်းရောင်ထွန်းပေးသလိုပါပဲ။
အမေပေးသော စာပေအမွေဖြင့်လောကတစ်ခုလုံးကိုလင်းလက်စေချင်တာ 
သားအဖြစ်ချင်ဆုံးဆန္ဒလေးပါမေမေ...
ဆက်ရန်...
                                                      ဥာဏ(ပြင်ဦးလွင်)

အမေ့နှလုံးသား(၁)

ချစ်သောမေမေ...
မြင့်မိုရ်တောင်ဦး မကကြူးတဲ့ကျေးဇူးသခင် မြတ်မိခင်ကို မှန်းမျှော်ဆလို့
ဦးချညွတ်ထား ကန်တော့ပန်းဖြင့် ဦးထိပ်ပန်ဆင်
သားအထပ်ထပ် ရှိခိုးပါသည်။
လောကတစ်ခွင်လုံးကို မေတ္တာဖြင့် နွေးထွေးစေသော သူသည်
မေတ္တာနှလုံးသားပိုင်ရှင် အမေပင်ဖြစ်သည်။
သူတော်ကောင်းပညာရှိအပေါင်းတို့ကို မွေးဖွားသောသူသည်အမေ...။
ပုခက်လွဲသောလက်သည် အမေ...။
ကမ္ဘာကိုအုပ်စိုးသောသူသည် အမေ...။
လောကကိုအမှောင်ခွင်း၍အလင်းဆောင်သောသူသည်လည်း အမေပင်ဖြစ်သည်။
မာတာပိတုဂုဏော အနန္တော ဟုစာပေမှာဖွင့်ပြထားသည်။
မိခင်ဖခင်တို့၏ဂုဏ်ကျေးဇူးသည် ကြီးမားလှသည်။အဆုံးအပိုင်းအခြားမရှိပါ။
သည့်အတွက် မြတ်စွာဘုရားရှင်တို့နှင့် တစ်ဂိုဏ်းတည်းထား၍
အနန္တငါးပါးတွင် မိဘနှစ်ပါးသည် တစ်ပါး အပါဝင်ဖြစ်သည်။

                        အမေကိုချစ်သောသားသမီးတိုင်းက အမေထားခဲ့သောစာပေအမွေကို
ယုယပိုက်ထွေးစွာ စောင့်ရှောက်တတ်ရမည်။
စာပေအမွေကို ယုယပိုက်ထွေးစွာ စောင့်ရှောက်တတ်ရမည်။
အမေ့ကြောင့် ဘ၀အလင်းရောင်ရခဲ့သည်။
စကားမပြောသောအမေ့နှလုံးသားက သားသမီးတို့ကို မေတ္တာဖြင့် နွေးထွေးစေခဲ့ပြီ...။
အမေ့မေတ္တာကြောင့် ဘ၀ရှင်သန်လာခဲ့ရသည့်အမေ့သားတစ်ယောက်အနေဖြင့်
အမေဖြစ်စေချင်သောအရာကို မထမ်းရွက်နိုင်ခဲ့သည့်အတွက် ၀မ်းနည်းမိသည်။
အမေ... အမေ့နှလုံးသားဆန္ဒအားလုံးကို မရွက်ဆောင်နိုင်ခဲ့ပေမယ့်
စာပေအလင်းဖြင့်သား၏ပတ်ဝန်းကျင်ကို ထိန်းလင်းထွန်းပ လင်းလက်အောင်
ကြိုးပမ်းဆောင်ရွက်လျက်ပါအမေ...။


သားနှင့်တစ်ပြည်တစ်ရွာဝေးကွာ၍ နေထိုင်ရသောအခါ
အမေတို့၏နှလုံးသားအိမ်တွင် ယိုစီးထွက်ဖြာလာသော အလွမ်းအိမ်က
”တစ်ရံတစ်ခါ၊သားနှင့်ကွာက၊သားမှာမျက်စိ၊နှလုံးရှိ၍၊
အမိတို့ဝမ်း၊ပန်းညိုးနွမ်းသို့၊ခြောက်သွမ်းသွေ့သွေ့၊
လွမ်းဓလေ့ဖြင့်၊ညဥ့်နေ့မဟူ၊ငိုတရှုလျက်၊လွမ်းပူလွမ်းလောင်...”
(ရှင်မဟာရဌသာရ၊စတုဓမ္မသာရကိုးခန့်ပျို့)
၌ဟတ္ထိပါလ သားလေးယောက်ကိုလွမ်းဆွေးနေသောမိခင်၏ပုံရိပ်က
တသသ အောက်မေ့နေတာ ထုဆစ်ပြထားသည်။
                                           ဥာဏ(ပြင်ဦးလွင်)

ပန်းဦးတောင်ကျေးရွာ၏စာပျိုးခင်း(၅)

   မန္တလေးမြို့မှ နိုင်ငံကျော် စာရေးဆရာကြီး ဦးနေ၀င်းမြင့်(အမျိုးသားစာပေဆုရ)နှင့် 

စာရေးဆရာမောင်ဖူလုံတို့က

စာကြည့်တိုက်၏ပထမနှစ်ပတ်လည်နေ့မှာ ပန်းဦးတောင်ကျေးရွာ၏စာပေခရီးကို

စေတနာ၊မေတ္တာထားပြီး စာပေအကြောင်းလာရောက်ဟောပြောခဲ့သည့်စာရေးဆရာကြီးနှစ်ဦးတို့အား

လှိုက်လှိုက်လှဲလှဲ အထူးကျေးဇူးတင်ပါသည်...။

            စာရေးဆရာမောင်ဖူလုံ(ပုသိမ်ကြီး)သည်ဤစာကြည့်တိုက်၏ရာသက်ပန် အလှုရှင်ဖြစ်သည်...။

စာပေပန်းခင်းကိုနှစ်စဉ်ရေလောင်းပေါင်သင်းသူအားလုံးကို စာရေးသူ အထူးကျေးဇူးတင်မိသည်။

ရန်ကုန်မြို့မှ စာရေးဆရာမ-ဧပရယ်ကလည်းထောက်ပံ့လှုဒါန်းသေးသည်။

ရပ်ဝေးရပ်နီးစာပေချစ်သူ စာအုပ်ရှင် အလူရှင်တို့၏စေတနာကြောင့်

တစ်နှစ်တာကာလအတွင်းစာရေးသူတို့၏အမေ့ရွာစာပျိုးခင်းစာကြည့်တိုက်က စည်ပင်ပြန့်ပွားတိုးတက်နေတော့သည်။

                 ပညာအလင်းရောင် စာပေဆီမီးတန်ဆောင်ကား 

ကမ္ဘာသူကမ္ဘာသားတို့၏နှလုံးသားတွင် ထွန်းပေနေပေမည်။

ကြယ်တာရာအပေါင်းတို့သည် ည၏အလှကိုခြယ်မှုန့်ပေးသကဲ့သို့

စာပေသည်လည်း မိမိ၏ဘ၀ကိုခြယ်မှုန့်ပေးသင့်သည်။

ငွေလရောင်သည် ကမ္ဘာသူကမ္ဘာသားတို့၏နှလုံးသားကို အေးမြစေသကဲ့သို့

ပန်းဦးတောင်ကျေးရွာ၏အမေ့ရွာစာပျိုးခင်းသည်လည်း ကျေးလက်တောရွာ

ပြည်သူတို့၏နှလုံးသားကို ငြိမ်းချမ်းစေလိမ့်မည် ဟုစာရေးသူတွေးမိသည်။

                 စာပေဆီမီးတန်ဆောင် အလင်းရောင်ထွန်းပြောင်နိုင်ရေး

ကိုယ့် အားကိုယ်ကိုး ကျေးရွာစာကြည့်တိုက်များ ရေရှည်တည်တံ့ခိုင်မြဲရေး

ကျေးလက်ပြည်သူများထံ စာအုပ်စာပေများရောက်ရှိရေး

စာဖတ်အားတိုးမြင့်လာစေရန် စာပေဟောပြောပွဲများစဉ်ဆက်မပြတ် ကျင့်ပနိုင်ဖို့

အရေးကြီးပေသည်။

စာကြည့်တိုက်ရေရှည်တည်တံ့ခိုင်မြဲအောင် စာကြည့်တိုက်၏ကော်မတီအဖွဲ့ဝင်များ

ရပ်မိရပ်ဖ စေတနာအလှုရှင်တို့က ဟန်ချက်ညီညီ စုပေါင်းကူညီ ၀ိုင်းဝန်ကြိုးပမ်းရမည်ဖြစ်ပါသည်။

စာအုပ်သည် ဘ၀အတွေ့အကြုံဟုဆိုလျှင်

စာကြည့်တိုက်သည် ဘ၀ဇာတ်ခုံဟု မိမိတွေးလျက်....။

                                                      ဥာဏ(ပြင်ဦးလွင်)

ပန်းဦးတောင်ကျေးရွာ၏စာပျိုးခင်း(၄)

               ရုရှားမှ တော်လှန်သော ဒီမိုကရက်တစ်ပညာရှင် အယ်လက်ဇန္ဒားဟာဇင်

(Alexander Herzen)ကစာအုပ်နှင့်ပတ်သက်၍ ဤသို့ဆိုပြန်သည်။

စာအုပ်သည်  လူသားတို့နှင့်အတူ ရင့်ကျက်ကြီးထွားလာသည်။

လူသား၊တို့၏အသိဥာဏ်ကိုစေ့ဆော်ပေးသော သင်ကြားချက် အားလုံးသည်၎င်း၊

လူသားတို့၏နှလုံးသားကိုထိခိုက်လှုပ်ရှားစေသော စိတ်နှင့်စေတနာတို့သည်၎င်း

စာအုပ်ထဲတွင် အနှစ်ကျ အနည်ထိုင်လျက်ရှိကြသည်။

လူသားတို့၏မုန်တိုင်းထန်သည့်ဘ၀ကပေးသောဖြောင့်ဆိုချက်များကိုပင် 

ကမ္ဘာ့သမိုင်းဟုခေါ်ရ၍ ယင်းတို့ကို စာအုပ်ထဲတွင် ကမ္ပည်းထိုးထားသည်။

                               သင်သည် လူသားတို့၏သုခဒုက္ခလောကဓံမုန်တိုင်းလှိုင်း သမိုင်းစာမျက်နှာကို

ဖတ်ကြားလိုလျှင် စာပေကိုရှာဖွေရတော့မည်။

သင့်ရှာဖွေထားခဲ့သည့် လောကဓံစာမျက်နှာလည်း စာအုပ်ထဲမှာ ကမ္ပည်းထိုးထားပေလိမ့်မည်။

ဒဿနပညာရှင်ကြီးအရစ္စတိုတယ်လည်း သူ့ကိုယ်ပိုင်စာကြည့်တိုက်တည်ထောင်သူဖြစ်သည်။

               သူ့၏တပည့်အီဂျစ်ဘုရင်ပထမတိုလမီ(ptolemy)သည် ရှေးဟောင်းစာကြည့်တိုက်များထဲတွင်

အကြီးဆုံးနှင့်အထင်ရှားဆုံး စာကြည့်တိုက်တစ်ခုကို ဘီစီ၂၈၄ခုနှစ်တွင် အီဂျစ်နိုင်ငံအယ်လက်ဇန္ဒားမြို့မှာ

တည်ထောင်ခဲ့သည်။

အဆိုပါစာကြည့်တိုက်တွင် စာအုပ်ပေါင်း လေးသိန်းကျော်ရှိခဲ့သည်။

                             အမေရိကန်သမ္မတ(၁၆)နှစ် မြောက် လင်းကွန်းလည်း ကျေးလက်မှာမွေးဖွားပြီး

စာပေကိုခင်တွယ်တွယ်လို့ သမိုင်းစာမျက်နှာမှာ စာတွင်ခံရသူတစ်ယောက်ဖြစ်သည်။

သူ့၏နိုင်ငံအတွက် သားကောင်းဇာနည်ဖြစ်ခဲ့သည်။

လင်ကွန်းသည် အကယ်၍ စာပေကိုမသင်ကြားမလေ့လာခဲ့လျှင် သူ့၏သမိုင်းစာမျက်နှာမှာ

လှပမည်မဟုတ်ဟု တွေးမိသည်။

                      ဤလောက၌ လူသားတိုင်းသည် ကိုယ့်ဘ၀ကြေးမုံပြင်ကို

ကိုယ်တိုင်ကမ္ပည်းထိုးထားသူများသာဖြစ်သည်။

ဘ၀ကြေးမုံပြင်မှာ လှပသူလား...

အကျည်းတန်သူလား....

ကိုယ့်ကိုဝေဖန်စေချင်သည်။

ပန်းဦးတောင်ကျေးရွာ၏စာပျိုးခင်းဟုဆိုရာ၌ စာပေပန်းခင်းကို ပျိုးထားသည်ဟု ဆိုလိုသည်။

စာပျိုးခင်းထဲတွင် စာပေပန်းပွင့်ကို ပန်ဆင်လာကြရာ ”တစ်နှစ်”ဆိုသည့် သက်တမ်းကာလခရီးသို့

ရောက်လာသည်။

စာကြည့်တိုက်၏နှစ်ပတ်လည်နေ့အထိမ်းအမှတ်နေ့တွင် နိုင်ငံကျော် စာရေးဆရာကြီး ဦးနေ၀င်းမြင့်နှင့် စာရေးဆရာ မောင်ဖူလုံး(ပုသိမ်ကြီး)တို့ကို ပထမအကြိမ် စာပေဟောပြောပွဲ ကျင့်ပခဲ့သည်။

ဆက်ရန်...

                                                                ဥာဏ(ပြင်ဦးလွင်)

ပန်းဦးတောင်ကျေးရွာ၏စာပျိုးခင်း(၃)

                ဆရာကြီးရွှေဥဒေါင်းက ”ကျွနိုပ်နှင့်စာပေ” ဆောင်းပါးတွင် ဤသို့ဆိုခဲ့ဖူးသည်။

”အဟုတ်တကယ် ၀တ္ထုကောင်းကြီးတွေကိုဖတ်ပြီး သုံးသပ်ဆင်ခြင်သော အလေ့အကျင့်ပြုလုပ်ထားသူ

တစ်ယောက်သည် မိမိနှင့်ဆက်ဆံသောသူများအကြောင်းကိုအသေးစိတ်သိတတ်၏။

လူတစ်ယောက်၏အပေါ်တွင်အပြစ်ချည်းမမြင်ပဲ ဘယ်အချက်တွင် ဘယ်လိုကောင်းပါပေခြင်းကိုလည်း

အသိအမှတ်ပြုတတ်သည်။”

                       ဆရာကြီးရွှေဥဒေါင်းက စာပေဒဿနအပေါ်ဘယ်လိုမြင်သလဲဆိုတာ

အထက်ပါစကားကိုဖတ်ရင် သိနိုင်သည်။

ဒါတွေက စာပေ၏ကျေးဇူးကြောင့် သိလာရခြင်းဖြစ်သည်။

စာပေကြောင့် သမိုင်းစာမျက်နှာများကို သိခွင့်ရသည်။

စာပေကြောင့် အသိဥာဏ်ရင့်ကျက်၍ နုညံ့သိမ်မွေ့ရသည်။

            ဆက်လက်၍ ဆရာကြီးဇော်ဂျီ၏ ရသစာပေအဖွင့်တွင် အောက်ပါအတိုင်းရေးသားထားသည်။

ရသစာပေကောင်းကို ဖတ်ရလျှင် ပတ်ဝန်းကျင်ဘ၀ကိုလည်း 

သတိပြုမိလာနိုင်စရာ အကြောင်းရှိသည်။

ပတ်ဝန်းကျင်ဘ၀ကို သတိပြုမိသူသည် မိမိ၏ကိုယ်စိတ်နှလုံးကို သုံးသပ်သည့်အခါတိုင်း

ဆင်ခြင်တတ်ခြင်း ရှိလာ၍ မိမိတစ်ဦးတည်း၏အကျိုးစီးပွားအတွက်သာမက ပတ်ဝန်းကျင်ဘ၀၌ 

မိမိကဲ့သို့ပင် သုခဒုက္ခ အမျိုးမျိုးနှင့် ကျင်လည်ကြကုန်သော သတ္တ၀ါခပ်သိမ်း၏ အကျိုးစီးပွားအတွက်လည်း

 ကြည့်တတ်မြင်တတ် ကရုဏာဖြစ်တတ်လာနိုင်စရာ အကြောင်းရှိသည်ဟု ထင်ပါသည်။

                     စာကြည့်တိုက်သည် ဗဟုသုတဖြန့်ချီရာနေရာဖြစ်၍ စာအုပ်စုဆောင်းရာနေရာမဟုတ်ပေ...

(jay.E.Daly) ကဆိုပြန်သည်။

စာအုပ်ဟူသည် အကြီးမားအပြည့်စုံသော အင်အားကြီးတရပ်ဖြစ်သည်။

(V..I.Lenin)ဗီအိုင်လီနင်းကဆိုထားသေးသည်။

ရုရှားနိုင်ငံမှာ လီနင်းဆိုတဲ့ခေါင်းဆောင်ကောင်းတစ်ယောက်လည်း သူ့၏နိုင်ငံအတွက်

သမိုင်းစာမျက်နှာများထဲမှ လီနင်းစာကြည့်တိုက်အကြောင်းကို အနည်းငယ်ဖော်ပြလိုပါသည်။

မော်စကိုမှာရှိသည့်လီနင်းစာကြည့်တိုက်မှာ စာဖတ်ခန်း၂၂ခန်း၊ပိတ်ရက်မရှိဘဲ

နေ့စဉ်နံနက်၉နာရီမှည၁၁နာရီထိ ဖွင့်ထားသည်။

နေ့စဉ်စာကြည့်တိုက်ထုတ်ပေးငှားရမ်းလိုက်သောစာအုပ်အရေအတွက်က ၃၀၀၀၀ခန့်ရှိပြီး

စာဖတ်ပရိသတ်ကလည်း၆၀၀၀ခန့်ရှိသည်ဟုမှတ်သားထားဖူးသည်။

       သင့်လည်း သင့်၏မွေးရပ်ဇာတိမြေ မြို့ရွာမှာ သင့်ကိုယ်ပိုင်စာကြည့်တိုက်တည်ထောင်သင့်သည်။

လီနင်စာကြည့်တိုက်ကို အတုယူပြီး သင့်၏ဇာတိမြေမှာ ပရဟိတအတွက်

လုပ်ဆောင်သောဆန္ဒကလေးသာရှိမယ်ဆိုရင် မိမိ၏ပတ်ဝန်းကျင်ကို

အလှတန်ဆာများ ပေးဆပ်ရာလည်းရောက်ပေမည်။

ဘာဖြစ်လို့လဲဆိုတော့

စာပေသည် လူသားတို့၏အသိအတွေးအမြင် ဘ၀ကြေးမုံပြင် ဖြစ်နေလို့ပါပဲ...။

ဆက်ရန်...

                                                      ဥာဏ(ပြင်ဦးလွင်)

ပန်းဦးတောင်ကျေးရွာ၏စာပျိုးခင်း(၂)

စာကြည့်တိုက်၏တည်ထောင်ထားခြင်း၏ရည်ရွယ်ချက်မှာ

မိဘပြည်သူလူထုအတွက် ပညာဗဟုသုတတိုးပွားစေရန်၊

မျိုးဆက်သစ် လူငယ်အတွက် အကျင့်စာရိတ္တကောင်းမွန်စေရန်၊

သုတေသီများအတွက် လွယ်ကူစွာ စာပေအညွန်း ရှာဖွေနိုင်ရန်နှင့်

လူငယ်များအတွက် ယဉ်ကျေးလိမ္မာစေပြီးပရဟိတစိတ်ဓာတ်ရှင်သန်စေရန်

အမေ့ရွာစာပျိုးခင်း လူငယ်စာကြည့်တိုက်ကို ရည်ရွယ်ချက်ကြီးမားစွာဖြင့်ဖွင့်လှစ်ခဲ့သည်။

                

                         အလိမ္မာစာမှာရှိ၏။ဖတ်ကြံလုပ် ဟူသောဆောင်ပုဒ်များနှင့်အညီစာအုပ်စာပေထဲမှာ

အသိအလိမ္မာတိုးစရာ၊လိမ္မာယဉ်ကျေးဖွယ်ရာဆုံးမစကားများ၊ပြည်သူ့နီတိများ၊ဒဿနများအတွေးအခေါ်ဆိုင်ရာ

ပညာရပ်များဘ၀ထဲက အတွေ့အကြုံမှရရှိလာသည့်သင်ခန်းစာများစသဖြင့်အမျိုးမျိုးရှိကြပေသည်။

စာပေဟူရာ၌ ဘာသာရေးနှင့် သက်ဆိုင်သောစာပေလူမှုရေး၊စီးပွားရေး၊ကျန်းမာရေးတို့နှင့် သက်ဆိုင်သော

စာပေမှန်သမျှလူမျိုး ဘာသာ နိုင်ငံအသီးသီးတွင် စာပေပေါင်းစုံ ရှိနေကြသည်။

လူအမျိုးမျိုး စရိုက်အထွေထွေ ၀ါသနာအဖုံဖုံရှိကြသည့်အတွက်မိမိနှင့်သင့်လျော်သော စာပေကိုရွေးချယ်၍

အလေးထားဖတ်ရှုသင့်သည်။

                     စာအုပ်စာစောင်၊တွေ့မရှောင်၊ဆုံးအောင်ဖတ်ရှုပါ။

မကောင်းရှောင်ပယ်၊ကောင်းဆောင်ကွယ်၊မှတ်ဖွယ်သင့်ဝန်တာ ဟုသတိပေးထားသည်။

သိပ္ပံပညာရှင် အက်ဒီဆင်ကိုသူ၏မိခင်က အမြဲတမ်း ဆုံးမတဲ့စကား

တစ်ခွန်းက ”ငါ့သားကြီးပွားလိုလျှင် စာများများ ဖတ်ပါ”ဆိုတာပါပဲ....။

အက်ဒီဆင်ဟာ အတန်းကျောင်းပညာမရှိပါ...။အိမ်မှာပဲစာသင်ရသည်။

ပြီးတော့စာအုပ်စာပေကိုလေ့လာမှတ်သားတတ်သည်။

စာပေ၏ကျေးဇူးကြောင့် အက်ဒီဆင်သည် ကမ္ဘာ့စာမျက်နှာမှာ စာတင်ခံသူတစ်ယောက်ဖြစ်သည်။

             သင့်တို့သည် ကမ္ဘာ့စာမျက်နှာမှာ ကမ္ပည်းတင်ခံသူဖြစ်ရအောင် ဘယ်လိုလုပ်သင့်တာလဲ

ပရဟိတအတွက် ဘယ်လောက်များပေးဆပ်ဖူးသလဲ

သင့်သည်လောကအကျိုးကိုအတွက် ဘယ်လိုများဆောင်ရွက်ပေးမလဲ

သင့်သည် လောကအကျိုး သယ်ပိုးလိုလျှင် ရှေ့ဦးစွာ စာပေကိုမြတ်နိုးပါဟု သင့်ဘ၀အတွက်

အရှုံးမရှိသော ဒဿနတစ်ပုဒ်ကိုပေးပါရစေ....

ဆက်ရန် 

ဥာဏ(ပြင်ဦးလွင်)

ပန်းဦးတောင်ကျေးရွာ၏စာပျိုးခင်း(၁)

ငွေနှင်းမှုန် ဖွေးဖွေးလျလျလွှမ်းနေသော ရှမ်းရိုးမတောင်တန်းကြီး၏အလှသည် ရင်မောဖွယ်ကောင်းပေစွ...။

နှင်းမိုးတို့လည်း တဖွဲဖွဲ ....နှလုံးသားထဲ စိမ့်ဝင်လာသည့် လေပြေ လေနုလည်း ချမ်းမြမြ.....။

ယခုလိုအချိန်မှာ ဆောင်းဦးရာသီ၏သာယာလှပသောညချမ်းတွင် ပန်းဦးတောင်ကျေးရွာ၏စာပေပန်းခင်းလည်း

လန်းဆန်းဖူးပွင့်ဝေဆာနေတော့သည်...။

                 အလှပဆုံးဖူးပွင့်နေသော စာပေဥယျာဉ်ထဲတွင်စာပေပန်းပွင့်လွှာ အငုံအဖူးတို့က အလုအယက်ဝေဆာနေတာ တစ်နှစ်တာကာလဆီသို့ ရောက်ရှိလာခဲ့သည့်အချိန်....၁၃၇၀ခုနှစ်၊နတ်တော်လပြည့်ကျော်(၁)ရက်နေ့၊စနေနေ့

(၁၃.၃.၂၀၀၈) မင်္ဂလာရှိသော ညချမ်းအခါမှာ

မန္တလေးတိုင်း၊ပြင်ဦးလွင်မြို့နယ်၊အမှတ်(၄)နယ်မြေ၊ပန်းဦးတောင်ကျေးရွာအုပ်စု၊ပန်းဦးတောင်ကျေးရွာ၊

ပန်းဦးတောင်ကျောင်းတွင်တည်ထောင်ဖွင့်လှစ်ထားသော ”အမေ့ရွာစာပျိုးခင်း”လူငယ်စာကြည့်တိုက် နှစ်ပတ်လည်နေ့မှာ ပထမအကြိမ် စာပေဟောပြောပွဲကျင့်ပနိုင်သည့်အတွက် များစွာဂုဏ်ယူမိပါသည်။

                    စာကြည့်တိုက်ကိုတည်ထောင်သောသူမှာ အရှင်ဥာဏ-သာသနတက္ကသီလဓမ္မာစရိယ၊B.A(Buddhism) M.D.Y ပင်ဖြစ်သည်...။

အရှင်ဥာဏသည် မိမိ၏ရွာတွင်စာပေပန်းခင်းများကိုစိုက်ပျိုးပေးခဲ့သည်။

ကျေးလက်ပြည်သူတို့၏နှလုံးသားထဲတွင် အလှပဆုံး မွေးရနံ့ အသင်းပျံ့ဆုံးစာပေပန်းကို ပန်ဆင်စေမိသည်။

မိမိ၏ဇာတိမြေတွင် စာပေဥယျာဉ်ကို တည်ထောင်ကာ မျိုးဆက်သစ်လူငယ်များအတွက် အသိဥာဏ်ဗဟုသုတ

တိုးပွားစေရန် စေတနာ၊မေတ္တာထား၍ အမေ့ရွာစာပျိုးခင်းလူငယ်စာကြည့်တိုက်ကို(၁၃.၁.၂၀၀၈)ရက်နေ့မှာစတင်တည်ထောင်ဖွင့်လှစ်ပေးခဲ့သည်..။

စာကြည့်တိုက်၏တစ်နှစ်တာကာလအတွင်းမှာ စာကြည့်တိုက်အဖွဲ့ဝင် ၁၅၀-ယောက်ရှိပြီး ဤစာကြည့်တိုက်မှ

ငှားရမ်းပေးလိုက်သောစာအုပ်မှာ ၂၁၅၀၀ကျော်ရှိပေသည်...။

                      စာကြည့်တိုက်အဖွဲ့ဝင်တို့သည်သာ အခမဲ့ ငှားရမ်းကြည့်ရှုနိုင်သည်။

အဖွဲ့ဝင်မဟုတ်သောစာချစ်သူတို့ကို စာကြည့်တိုက်မှာသာ အခမဲ့ ဖတ်ရှု ကြည့်ရှုစေသည်။

အမေ့ရွာစာပျိုးခင်းလူငယ်စာကြည့်တိုက်မှာ စာပေမျိုးစုံ ထားရှိပေးပြီးစာအုပ်အရေအတွက်မှာ ၃၁၅၀ ရှိသည်။

သတင်းစာဂျာနယ်စာစောင်နှင့်မဂ္ဂဇင်းစာပေမျိုးကို လစဉ်ထားရှိပါသည်...။

ဆက်ရန်...

                            ဥာဏ(ပြင်ဦးလွင်)